A ekziston Zoti?

Nuk ka asnjë temë tjetër që tërheq më shumë vëmëndje se sa ekzistenca e Zotit. Cilido prej nesh ka një opinion për ekzistencën e Zotit, dhe këto opinione ndonjëherë janë pasionante. Kam vënë re se askush nuk i shmanget bisedës për ekzistencën e Zotit. Të gjithë kanë një mendin për Zotin, si atesitët, teistët, dhe ata që janë indiferentë. Besoj se ekzistenca apo mos-ekzistenca e Zotit, është një nga dilemat më të rëndësishme në jetë, dhe përgjigjia e pyetjes “A ekziston Zoti?” përcakton botëkuptimin e çdo njeriu. Besoj se nëse kërkojmë me sinqeritet të dimë më shumë për Zotin, njohuria ekziston për të qënë të sigurtë në ekzistencën e tij.

Kush është dhe ç’farë është Zoti? Një prezantim.

Besoj se e ke dëgjuar fjalën Zot shumë herë. Shpeshherë e dëgjojmë fjalën Zot kur shprehim mërzinë apo bezdisjen tonë: o Zot ç’lodhje, o Zot ç’farë mërtizje, o Zot sa u lodha. Ndonjëherë e përdorim fjalën për të mallkuar apo bekuar njerzit. Por me siguri, fjalën Zot e përdorim më shumë kur çdo metodë njerzore është shuar dhe vetëm një ndërhyrje qiellore mund të na shpëtojë: o Zot më ndihmo, o Zot më shpëto, o Zot ç’fatkeqësi, o Zot më shëro.